Source : FRAD044 B 1216, parchemin
Transcription du 14/08/2023, orthographe un peu "modernisée"
[ Saint-Yvi / Locmaria - Le Fief Cran ]
En nostre Court de Rospreden présents furent en personne devant et pour ce / personnellement établis Raoul IZCUFF, Yvon GUERNCAROU, Jehanne GUERNCAROU femme / [de] Allain LE BRETTON, Marie GUERNCAROU femme [de] Jehan PAIGE, Louys et [...blanc...] GALL, / auxquelles femmes leursdits maris ont donné leur assentement à gréer et tenir cestes. Et ? / cize? ont cogneu et confessé et par cestes congnoissent et confessent tenir et que ils
tiennent en prochaine seigneurie de ligencze à foy et debvoir de rachapt / de et soubs le Roy nostre Sire, père usufructuaire de la Duché de Bretaigne, père et / légitime administrateur de Monseigneur le Daulphin son fils, duc et seigneur propriétaire dudit Pays :
Deux parcs clos et pieczes de terre cernés de fossés [talus] estant en / une parcelle de terre nommée Mur an Crañ au treff de Locmaria an Hent en / la paroesse d'Elyent, contenant envyron six journaulx de terre.
Pour ce ... vi journaulx.
Et joignent,
- d'un costé sur une montaigne appellée Menez Quillicadec
- d'aultre endroict sur le villaige du Jolbec,
- d'aultre endroict surle chemin conduisant du villaige de Kernayan~ au villaige de Leinguennec.
ITEM, tiennent une petitte piecze de terre en ladite Montaigne de Mur an Crañ / contenant envyron ugn demy journeau de terre.
Pour ce : ... 1 demy journeau
ITEM, un estaige près ladite Montaigne appellé Kerleanou Bihan [Kerléanou Vihan], sittuée audit / treff, détenu soubs lesdits nommés à tiltre de taille par Marc Euzenou pour leur / en payer de taille par an la somme de quarante souls monnoie.
Pour ce : ... XL s.
Quel estaige o [avec] ses yssues contient environ quattre journaulx de terre.
Pour ce : ... iiii journaulx
Dessus lesquieulx héritaiges est debu de cheffrante à nostre dict sire ugn [un] quarteron / [de] froment à estre payé au bourg d'Elyent le jour de Nostre Damme de la Chandeleur par chacun / an.
Pour ce : ... i quarteron froment.
Et tout ce que dessus certiffient estre vray et contenir vérité, promectant et / jurant avoir ? audit Sire et à sa Court de Rospreden à ladite cause.
Et pour présenter / cestes et faire la foy et hommaige de fidellité aux commissaires commis et députtés / pour les recepvoir ont institué maistre Christoffle Blohio et [... blanc ...], / et chacun d'eulx leurs procureurs o pouvoir exprès quand ad ce pertinents.
Et ont / promis avoir agréable ce que par eulx sera faict, le juge payer & a droit / ester.
Donné tesmoign de ce le sceau estably aux contracts de nostredicte Court à cestes mis.
Ce fust faict et gréé au Bourg d'Elyent en la maison [de] maistre Jehan Le Briz, le dix septiesme jour de may l'an mil cinq centz quarante.
[ signatures de : ]
J? Lesmaes passe
B Mahault passe
|